Дуслык белән дә шөгыльләнеп була
Юмор

Дуслык белән дә шөгыльләнеп була


* * *
Вакытында әйтүгә караганда, вакытында дәшми калу кыенрак.

* * *
Гомер буе абынганчы, бер тапкыр егылып кара.

* * *
Ходай тәгалә кешегә бөтен дөньяны бүләк иткән, ә кеше аннан я акча, я икмәк сорый.

* * *
Парадокс: барсына да күзен йомып яшәүчеләр сирәк абына.

* * *
Галимнәр әйтүенчә, ач тору авырлыкны көйләп кенә калмый, ипотека түләргә дә ярдәм итә.

* * *
Мөмкинлекләрне эзләргә түгел, ә тудырырга кирәк.

* * *
Мәхәббәттән нәфрәткә – бер адым, ә мәхәббәттән бәхеткә – мең чакырым.

* * *
Бүрене аяклары туйдыра. Дөрес, гел үзенекеләр түгел.

* * *
Талымсызга тәмсез юк, салмытдингә ямьсез юк.

* * *
Дуслык белән дә шөгыльләнеп була.

* * *
Әгәр кеше терсәген тешли алса, безнең куллар ничек булыр иде икән?

* * *
Россияда һәрчак ярлыларны кызганалар. Матди яктан ярлыларга – хәер, рухи яктан ярлыларга ришвәт бирәләр.

* * *
Хезмәт хакы ул берничек тә кечкенә була алмый. Бары тик ай озын.

* * *
Ирләр өчен хатын-кыз һәрвакыт табышмак булырга, ниндидер сер яшерергә, сорау тудырырга тиеш. Мәсәлән, биле кайда аның?

* * *
Танау кычытса, бавыр дертләп китә.

* * *
Кайсы урында, нинди генә йортта урнашсаң да дрель тоткан күршеңнән качып котыла алмыйсың.

* * *

Марат Кәбировның Кызыклы афоризмнар китабыннан



Добавить комментарий

WordPress: 26.1MB | MySQL:118 | 1,779sec
Рейтинг@Mail.ru