Кеше гашыйк та, акыллы да була алмый
Юмор

Кеше гашыйк та, акыллы да була алмый


* * *
Иртән ашамыйм — уйда син генә, көндез ашамыйм — уйда син генә, кичен ашамыйм — уйда син генә. Төнлә йокламыйм — ашыйсы килә.

* * *
Һәува костюмы аңа бик килешә. Кайбер урыннарын тарайтасы бар, әлбәттә.

* * *
Кеше гашыйк та, акыллы да була алмый.

* * *
Кирәксезлек тойгысы — тойгы да, кирәксезлек тә булырга мөмкин.

* * *
Хатын-кыз сезнең курайга биергә теләми икән, димәк кураегыз шул чама гына.

* * *
Бер карчык ингаляторын кальян белән бутап, көн буе бар авыруларын онытып торган.

* * *
Юынмыйм, кашынырга теләмәгәннәр юынсын!

* * *
Гадәттән тыш хәлләр, гадәттә, кабатланучан була.

* * *
Барсы белән дә очраклылык идарә итә: кемгәдер мирас булып талант, акыл, яки миллионнар кала, ә кемгәдер – диабет.

* * *
«Телевизор ватылды. Шуңа гөмбә ашап келәм карап утырам.»

* * *
Юл читендәге баганалар хәвефсезлек чараларын сакласа, аварияләр сирәгрәк булыр иде.

* * *
Ахмаклык кайчак баш җитмәслек нәтиҗәләргә китерә.

* * *
Үз ахмаклыгыңны раслап кул кую урыны кайвакыт ЗАГС дип атала.

* * *
Ирләргә рәхәт — соң өйләнәләр, иртә үләләр.

* * *
Сәясәт җиңелгән урында сугыш башлана.

* * *
Комсызлык белән саранлык көрәше «сәүдә» дип атала.

* * *
Гашыйк кеше бер нәрсәгә дә шикләнми, яки… бар нәрсәгә дә шикләнә.

Марат Кәбировның Кызыклы афоризмнар китабыннан



Добавить комментарий

WordPress: 24.44MB | MySQL:114 | 1,684sec
Рейтинг@Mail.ru