Кеше ярын алып китеп була
Юмор

Кеше ярын алып китеп була


Кызларга киңәш. Ике егет арасында кайсын сайларга белмәсәгез, икенчесен сайлагыз. Әгәр, беренчесен чынлап та яратсагыз, икенчесе булмас иде.

* * *
Бөтен гөнаһлар нигезендә бер нәрсә ята — үз хаклыгыңны тою.

* * *
Гаилә коруның беренче елында ир сөйли, хатын тыңлый. Икенче елында хатын сөйли — ир тыңлый. Ә соңыннан икесе дә сөйли — күршеләр тыңлый.

* * *
Бу китап ахмаклар өчен язылган иде. Бәхеткә каршы, алар күп булып чыкты һәм авторны популяр итте.

* * *
Киеме начарларны акылына карап озаталар.

* * *
Россия автомобиленең мае агудан туктаган икән, димәк ул беткән.

* * *
Сәләмәтлегеңне саклап кына торсаң, аның ни өчен һәм кайда киткәнен белү кыен түгел.

* * *
Дөньяда иң бай кешеләр — эчкечеләр, тәмәке тартучылар һәм машина йөртүчеләр. Бәяләрне күпме генә күтәрсәң дә алар эчәләр, тарталар, йөриләр.

* * *
Гомер — беренче памперс белән соңгысы арасында адашып йөрү

* * *
Тормыш безнең план белән танышмаган булып чыкты

* * *
Дөреслекне киендерсәң, ул ялганга әйләнә. Ялганны чишендерсәң — дөреслеккә әверелми.

* * *
Ирләргә рәхәт: агач үзе үсә, баланы хатыны таба, йортны таҗиклар төзи.

* * *
Яшәү — тбәнгә илтүче баскыч буйлап югары күтәрелү.

* * *
Кеше ярын алып китеп була, кире кайтарып булмый.

* * *
Крылов мәкаленең морале: бары тик сырдан котылгач кына сүз ирегенә ия буласың.

* * *
Интернет юк чагында бөек кешеләр шау-шусыз гына үләләр иде.

* * *
Әгәр өй җыештырылган, ашарга пешкән һәм өйдә пөхтәлек икән, димәк, компьютер ватылган.

Марат Кәбировның Кызыклы афоризмнар китабыннан



Добавить комментарий

WordPress: 24.44MB | MySQL:114 | 1,605sec
Рейтинг@Mail.ru