Марат Кәбировтан кызыклы афоризмнар
Юмор

Марат Кәбировтан кызыклы афоризмнар


Хатыныңны озак вакытка ялгыз калдырма, юкса, синсез ничек рәхзәт икәнен аңлавы бар.

* * *
Мәңгелек двигатель уйлап табуга мәңгелек тормозлар комачаулый.

* * *
Яхшы табип авыруның бер тиенен дә калдырмаска тиеш

* * *
Аляскада рэпперлар юк: урамда үсү – кыен.

* * *
Ярлылык, хатын, закон — максатка илткән юлда мотлак шушы өчәүнең берсе очрый.

* * *
Телефон һушка китерде: «Абонент вакытлыча… лаек түгел…»

* * *
Кайчагында әйткән сүзеңне үтәү мөмкин түгел. Бигрәк тә, ул сүгенү сүзе булса.

* * *
Колакларына караганда, ул тукмач ярата иде.

* * *
Киемнәреңне яңартырга акчаң булмаса, эш урынын үзгәрт: яңа коллектив өчен бөтен киемең дә яңа булып күренер.

* * *
Кыйммәтле бүләкләрдән беркайчан да баш тартмагыз. Мәхәббәт килә дә китә, ә ломбард тәүлек әйләнәсенә эшли.

* * *
Тизрәк байыйсы да: «Иң мөһиме акча түгел» — дип әйтәсе иде.

* * *
Кайбер дошман дустан арзангарак төшә.

* * *
Табан астыннан юл башлана…

* * *
Коррупция белән көрәшүче чиновник үз койрыгын тотарга тырышучы көчекне хәтерләтә.

* * *
«Сезгә караган саен сәләмәтлек телисе килә.»

* * *
Һәркем оҗмахка эләгергә тели. Ә берсенең дә үләсе килми.

* * *
Мәгълумәт диңгезендә дә белемсезлеккә тончыгып үләргә мөмкин.

Марат Кәбировның Кызыклы афоризмнар китабыннан



Добавить комментарий

WordPress: 24.54MB | MySQL:118 | 2,812sec
Рейтинг@Mail.ru