Татар телендә хикмәтле сүзләр
Юмор

Татар телендә хикмәтле сүзләр


Әгәр урам исемнәре, һәйкәлләр, китаплар, кешеләр һәм ул кешеләр аралашкан тел дәүләт иминлегенә куркыныч тудыра икән, бәлки, сез ул дәүләтегезне чит илдә төзисездер?

* * *
«Бай һәм чибәр булганың өчен түгел, ә сине яраткан өчен…» — дигән сүз бүген кимсетү сыманрак ишетелә.

* * *
Үпкәчел кеше — корулы корал.

* * *
Кешеләр партияләргә, фракцияләргә, диннәргә бүленми. Кешеләр акыллыларга һәм ахмакларга бүленә. Ә ахмаклар партияләргә, фракцияләргә, диннәргә бүленә.

* * *
Бөтен каршылыкларны урап узарга теләсәң, бөтен рәхәтлекләрнең яныннан узып китүең бар.

* * *
Хыялдагы гүзәл кызны очрату җиңел. Иң авыры – аның барлыгын хатыныңа сиздермәү.

* * *
Иң куркынычы — төркемнең сиңа таш атуы түгел,, иң куркынычы — шул төркемдә дусларыңның йөзе чагылып китү.

* * *
Башымны катырмагыз, тараканнар өши.

* * *
Әгәр өегездә берәр кечкенә нәрсә югалган икән, яңаны сатып алыгыз һәм искесе дә табылачак.

* * *
Мәктәп артында качып электрон тәмәке тартучыларны укыту бүлеге мөдире түгел, ә информатика фәне укытучысы тота.

* * *
Врачларга рәхәт. Аларның хаталарын җирлиләр дә оныталар.

* * *
Егерме ел скрипкада уйнасаң, син дә яһүд булыр идең.

* * *
Ат та эшли, ат та сарайда яши.

* * *
Дәшмәгән хатын-кызны сәбәпсез бүлдермәгез.

* * *
“Акча эшләүнең мең дә бер ысулы” дигән китабымны бастырып чыгару өчен спонсор эзлим.

* * *
Тырышып-тырышып та икенче иягеңнән котыла алмаган кеше, гадәттә, өченче ияген дә үстерә.

* * *
Бәхетле булу өчен үз оҗмахыңда яшәргә кирәк. Бер үк оҗмах бөтен кешене дә канәгатьләндерә алмый.

Марат Кәбировның Кызыклы афоризмнар китабыннан



Добавить комментарий

WordPress: 24.39MB | MySQL:115 | 1,609sec
Рейтинг@Mail.ru