Татарские афоризмы
Юмор

Татарские афоризмы


* * *
Математика дәреслегеннән: «Каенда 100 алма үсә. Җил чыкты, 10 алма коелды. Ничә алма калды?»

* * *
Кыен чакта мин җырлыйм һәм… башкаларга да кыен була.

* * *
Үз тормышыгызны бозарга теләмәсәгез, үз тормышын бозганнардан ерак торыгыз.

* * *
Һәркем уңышка ирешә алмый, тик уңыш яулаучыны яманларга һәркемнең хакы бар.

* * *
Ир-ат матурлыгы — акыл, хатын-кыз акылы — матурлык.

* * *
Каткан башта такыр фикер туа.

* * *
Үткәнеңә караган саен, киләчәккә артыңны куясың.

* * *
Җавап биреп булмый торган сораулар җыелмасы – фәлсәфә, ә сорау биреп булмый торган җаваплар җыелмасы дин дип атала.

* * *
Хәмернең беренче шешәсе генә кыйммәт тора, калганы — арзан…

* * *
Әгәр бер дә ял итмичә көне-төне эшләсәгез, зиараттагы иң бай кеше сез булачаксыз.

* * *
Мәхәббәт кешене чистарак итә. Һич югында, юынырга, кырынырга, таза оек кияргә мәҗбүр итә.

* * *
Россиядә бер нәрсәне дә алдан әйтеп булмый. Сайлаулар нәтиҗәсеннән башка, әлбәттә.

* * *
Россиядә митинглар ике төргә бүленә: берсенә кешеләрне куып китерәләр, икенчесеннән куып кайтаралар.

* * *
Шуышырга туганнар, аэродромны бушатып торыгыз!

* * *
Кеше сүзенең сиксән проценты судан тора.

* * *
Иртәгә икенең бере булачак: яки яңа көн, яки мәңгелек.

* * *
Бер актерга сценарийны белмәүче мең суфлер туры килгән театрны тормыш дип атыйлар.

Марат Кәбировның Кызыклы афоризмнар китабыннан



Добавить комментарий

WordPress: 23.73MB | MySQL:102 | 1,578sec
Рейтинг@Mail.ru Яндекс.Метрика