Ул өч диетада утыра
Юмор

Ул өч диетада утыра


* * *
Ахмак акыллыдан ничек аерыла? Ахмак үзен акыллыдан аера алмый.

* * *
Якыннарыңның серен ятларга тарату — хыянәт, үз сереңне тарату — ахмаклык.

* * *
Уңышлардан башың әйләнгәндә иң мөһиме – муеныңны сакларга кирәк.

* * *
Югары максатлар куегыз. Торсыннар. Биек нәрсә матур күренә ул.

* * *
Аз хәрефле сүз күп мәгънә аңлатучан була.

* * *
Һәр колның колбиләүчесе берәү була. Һәр азат кешенең – берничә.

* * *
Ул өч диетада утыра. Берсе белән генә тамагы туймый.

* * *
Вакытлыча акчасызлыктан да тотанаклырак халәт юк.

* * *
Үз фикерен калын тавыш белән яңгыратырга теләгәндә хатын-кыз ир-аттан киңәш сорый.

* * *
Әгәр кешегә бер кисәк ит бирсәң, ул көне буе тук була. Әгәр кешегә югары белем бирсәң, ул бер кисәк итлек тә акча эшли алмый.

* * *
Россия – сәләтлеләр иле. Сәләтлеләр бихисап — эшләүчеләр юк дәрәҗәсендә.

* * *
Тешләрнең барсын да тазарту мәҗбүри түгел. Картлык көнгә калдырырга теләгәннәрен генә чистартыгыз.

* * *
Оча торган тәлинкәләр күрәсең киләме? Өйлән.

* * *
Айныгач кем булырга телисең?

* * *
Аерылучылар күбәю сәбәпле туйлар саны артты.

* * *
Байлык арттыру белән ярлылыкны киметү – икесе ике нәрсә.

* * *

Марат Кәбировның Кызыклы афоризмнар китабыннан



Добавить комментарий

WordPress: 26.18MB | MySQL:119 | 2,783sec
Рейтинг@Mail.ru