Бөтендөнья татар - шигырь
Иҗат

Бөтендөнья татар


(Атнабай турында уйлап)

Бөтендөнья татар җыенында,
бөтендөнья татар мөнбәрен
кочып, кемдер илгә ишеттерә
бөтендөнья татар сүзләрен.

Бөтендөнья татар Казанында —
Бөтендөнья татар урамы.
Шул урамда урыс булып йөри
Бөтендөнья татар дурагы.

Бөтендөнья татар Казаныннан
ары китсәң — татар Чаллысы
Бөтендөнья татар Чаллысында
Беткән инде татар кайгысы.

Бөтендөнья татар районында
Бөтендөнья татар авылы.
Бөтендөнья татар авылында
Ништяк, блин, сулыш алуы.

Бөтендөнья татар үрдәкләре
Тезелешеп суга төшәләр.
Бөтендөнья татар елгасының
Бай тарихлы суын эчәләр.

Бөтендөнья татар елгасында
Бөтендөнья татар балыгы.
Бөтендөнья татар балыгына
Берни түгел елга тарлыгы,
Берни түгел суның сайлыгы.

 

Ташламалар!

1 китап сатып алсагыз — 5% ташлама ясала
2 китап алсагыз — 10% 
3 китап алсагыз — 15%
4 китап — 20 % 
5 китап — 25%

Күбрәк китап алу арзангарак төшә. Файдаланып калыгыз!

WordPress: 22.95MB | MySQL:65 | 8,177sec
Рейтинг@Mail.ru Яндекс.Метрика