Әнкәйләр Сабырлыгы
әниләр турында җырлар

Әнкәйләр сабырлыгы


    Әнкәйләр сабырлыгы
    (М. Кәбиров шигыре, И. Шәрипов көе)

    Барсына да ничек түзәсең син.
    Кайдан килә шундый сабырлык?..
    Әнкәйләрдә булган сабырлыкка
    Кабат-кабат хәйран калырлык.

    Шатлыкларга ярсып шатланса да,
    Газапларга түзә тын гына…
    Еламый да әнкәй, зарланмый да —
    Күзләрендә сабыр моң гына.

    Гомереңнен авыр юлларында
    Җил-давыллар мәңге тынмады.
    Канатларың сынган чаклар булды,
    Сабырлыгың гына сынмады.

    Гомерләрең буе сабыр иттең,
    Аның да бит чиге буладыр —
    Күңелләрең тулса, иңнәремә
    Башларыңны салып ела бер.

    Еламый да әнкәй, зарланмый да,
    Газапларга түзә тын гына.
    Йөрәгендә, бәлки, мең ярадыр,
    Күзләрендә сабыр моң гына.


Кунелле табын
Рейтинг@Mail.ru Яндекс.Метрика