Күзләрегезне саклагыз
Сәләмәтлек

Күзләрегезне саклагыз


Аскорбин кислотасы күз тукымаларын картаюдан саклый. Глаукома һәм катаракта авыруларын булдырмаска ярдәм итә. Ул гөләп җимешләрендә, кара карлыганда, болгар борычында, укроп һәм петрушкада, брокколи кәбестәсендә, грейпфрутта күп.

А витамины күз пигменты ясалуда хәлиткеч роль уйный. Бу витамин җитмәгәндә, караңгы төшкәндә күз күреме начарлана. Ул бавырда (аеруча балык бавырында), балык маенда, атланмайда, сөт өстендә, күкәй сарысында күп.

Е витамины (токоферол). Күз күреме начарланмасын өчен бу бик мөһим витамин. Ул күкәй сарысында, атланмайда, сөт өстендә, арыш һәм бодай үрентеләрендә, әстерхан чикләвегендә, миндаль, арахис чикләвекләрендә, көнбагышта, үсемлек маенда, гөлҗимештә, сырганакта, кара карлыганда, татлы чиядә, миләштә, шпинатта, брокколи кәбестәсендә, борчакта һәм яшел борчакта, петрушкада күп.

Селен — күз өчен бик мөһим микроэлемент. Ул диңгез балыгында, бавырда, бөердә, күкәйдә, майда, каймакта, гөмбәдә, аеруча ак гөмбәдә, ярмаларда, әстерхан, кешью чикләвекләрендә, кабак орлыгында, сырганакта, кара карлыганда, брокколи кәбестәсендә, кабакта, суганда, сарымсакта күп.

Күзләрегез арымасын

Күзләрнең аруын гади генә күнегүләр ярдәмендә бетерергә була. Бу күнегүләрне даими эшләү – күзләр тирәсендә җыерчыклар булдырмауның иң яхшы чарасы. Ул күнегүләрне эш арасында да үтәргә мөмкин, алар күп вакытны алмый.

• Күзләрне йомыгыз да 4 тапкыр сәгать теле уңаенда, 4 тапкыр кирегә таба әйләндерегез. Күнегүне 4-8 тапкыр кабатлагыз.
• Күзләрне йомган килеш күз алмасын 10 тапкыр өскә-аска хәрәкәтләндерегез. Нәкъ шулай ук күз алмасын сулга һәм уңга йөртегез.
• Якын урнашкан берәр әйбергә, күзләрегезне зур итеп ачып, 30 секунд карап торыгыз, аннары күзләрегезне йомыгыз. Күнегүне 6-8 тапкыр кабатлагыз.
• Күзләрегезне чиратлап беразга кысыгыз, ә аннары бераз алга карап торыгыз. Күнегүне 3-4 тапкыр кабатлагыз.
• Бармакларыгызны йомылган күз кабагына куеп, башта – сәгать теле уңаенда, аннары кире юнәлештә йөртеп алыгыз.

Өстәмә мәгълумәт

Операция урынына — препарат
Балаңның күзен сакла
Күз өчен 8 күнегү

 



Добавить комментарий

WordPress: 24.43MB | MySQL:117 | 2,597sec
Рейтинг@Mail.ru