55 яшьлек юбилейга котлаулар
Котлаулар

55 яшьлек юбилейга котлаулар


Татарча 55 юбилейга котлаулар

    Сары көздә сары яфраклар да
    Җир өстенә коелып бетә.
    Җиң сызганып эшләп йөргән чаклар
    Сизелмичә үтә дә китә.

    55 яшь. Беләсезме,
    Картлыкның кыз чагы.
    И! Бер сагынырсың әле
    Кая диеп шул чагым.

    Бүген сиңа бәхет тели
    Лачын кебек улларың,
    Кызларың— йолдызларың,
    Кияүләр, оныкларың,

    Дус-ишләрең, якыннарың,
    Барча-барча туганнарың,
    Кода-кодагыйларың.

    Күргән хәсрәтләргә түздең,
    Сабырлык бирде Ходай.
    Сәламәт бул, кайгы күрмә,
    Яшәгән саен елмай.

    Бәйрәм булсын мөбарәк,
    Табын булсын түгәрәк!
    Бүгендәй бәйрәмнәрне
    Гел каршылыйк бергәләп!
    ***
    Язлар гына бүләк итәдер ул
    Бу дөньяга синдәй затларны.
    Рәхмәтләргә кушып кабул итче
    Йөрәктәге барлык назларны.
    Бакчаларда кошлар сайрап туймый,
    Сине котлап туган көнеңдә.
    Изгелекләр генә терки булыр
    Фәрештәләр синең иңеңдә.
    ***
    Яшәү маягы син безнең өчен,
    Кешелең белән үрнәк син.
    Мең-мең рәхмәт тәрбияңә,
    Безнең өчен һәрчак кирәк син.
    ***
    Туган көнең белән
    Котлыйм сине ихлас йөрәктән!
    Тормыш сынаулары аз булмады,
    Дөнья сине өйрәткән.
    Синең алда әле иксез-чиксез юллар,
    Үтәсе дә әле үтәсе.
    Айлы булсын гомер кичләрең,
    Якты булсын таңнар иртәсе,
    Сиңа әле дөнья көтәсе…
    ***
    Синең өчен гөлләр чәчәк атсын.
    Тыныч булсын кичең, төннәрең.Сайрар кошлар синең өчен генә
    Багышласын иде көйләрен.
    ***
    Дөньядагы һәрбер яхшылыктан
    Өлеш чыксын сиңа мул гына.
    Без телибез сиңа ак бәхетләр,
    Шатлыкларга илткән юл гына.
    Бәйрәмеңнең матур хатирәсе
    Күңелеңдә калсын уелып.
    Тәбриклибез син чын күңелдән,
    Барыбыз да бергә җыелып.
    ***
    Салкын карлы кышта тусаң да син,
    Яз кояшы һәрчак күңелеңдә.
    Һәрвакытта йөзең көләч булсын,
    Балкып яшә гомер-гомергә.

Татарча котлаулар юбилейга 55 яшь

    Очрасың гомер юлыңда
    Яхшы кешеләр генә.
    Авыр чакта таянырлык
    Үзең ишеләр генә!
    ***
    Туган көнең белән, дустым,
    Көләч булсын йөзләрең.
    Бакчадагы гөлләр кебек
    Ямьле үтсен көннәрең.
    ***
    Сезне һәрчак, һәр почмакта
    Бәхет елмаеп көтеп торсын.
    Кысып кочаклап алсын да,
    Гел үзенеке итсен.
    Туктап калма ярты юлда,
    Бәхетең өчен көрәш!
    Үзеңнән артык калганын-
    Бәхетсезләргә өләш!
    ***
    Йолдыз бәхетеннән көнләшмә син
    Йолдызлар да тубән атыла
    Синен бәхет алда булыр әле
    Котеп алган бәхет татлырак.
    Йолдызның да ае бар дисән син
    Синен пар да ерак йөрмидер
    Ул да сина беркөн килер әле
    Син көткәнен генә белмидер…
    ***
    Туган көнең белән котлыйм!
    Бәхетең ташып аксын!
    Чибәр-чибәр егетләр дә
    Синең яныңа чапсын!

    Туган көнең котлы булсын!
    Кояш сиңа елмайсын!
    Һәр туачак кояшлы көн
    Чиксез шатлык аударсын!

    Бәхетле бул, шатлан һәм көл!
    Ярың белән янәшә!
    Барысы да синең кулда!
    Кадереңне белеп яшә!
    ***
    Туган көнең белән тәбрик итәм,
    Сәламәтлек теләп иң элек!
    Һәрбер көнең үтсен бәхет белән,
    Яшә шатлыкларга төренеп!
    Йөрәкләрдән чыккан назлы сүзлэр,
    Күңелләрдә булган саф хисләр!
    Озын гомер!Якты матур тормыш!
    Минем сиңа әйтер теләкләр!
    ***
    Син туган көн бик күңелле булган,
    Табигать тә калган тынычлап.
    Туган көнгә күркәм теләкләрне
    Юллыйм әле, дустым, кушучлап.
    Беркайчан да саулык ташламасын,
    Бәхетләрең булсын түгәрәк.
    Шатлык арты шатлык килеп торсын,
    Бала-чага үссен тәгәрәп.

Татарча котлаулар 55 хатын кызга

    Хатын-кызга 55 яше тулу уңаеннан котлау

    Кадерле … !

    Сине олы бәйрәмең — 55 яшьлек юбилеең белән чын күңелдән котлыйбыз. Сиңа нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Киләчәгең җыр кебек матур, кояш кебек якты булсын.

    Туачак таңнарың һәрвакыт нурлы, күк йөзең һәрвакыт аяз булсын. Гел шулай елмаеп, кешеләрне сөендереп яшә!

    Һәр яңа көн бәхет алып килсен,
    Алсу таңнар күмсен шатлыкка.
    Яшәү дәрте янсын йөрәгеңдә,
    Картаерга һич тә ашыкма!

    * * *
    55 ел узып киткән
    Сизми-сизелми генә.
    Тормыш юлын синең кебек
    Матур үтәр кем генә…
    Син бәхетле: гаиләң тигез,
    Инсафлы балаларың.
    Кылган гамәлләре белән
    Кабатлый аналарын.
    Акыллы да, сабыр да син,
    Тыйнак һәм итагатьле.
    Гомерең буйларына сау-сәламәт,
    Булсаң иде чиксез бәхетле.

    * * *
    Котлы булсын туган көн!
    Илле бишләр тулган көн!
    Әй икегез, икегез!
    Икегез дә бер тигез.
    Тигез яшәп икегез
    Йөз иллегә җитегез!
    Бик җаваплы эшегез,
    Сез зур белгеч кешебез.
    Сез булганга безнең дә
    Яхшы бара эшебез.
    Шушы матур айларда,
    Дусларыбыз кайларда? —
    Дип килдек монда котлап,
    Шушы ямьле айларда.
    Язса иде яшәргә
    Бик озак бергә-бергә.
    Бергәлекләр, бердәмлекләр
    Барса иде гомергә.

Татарча котлаулар 55 яшь

    Теләкләрнең кайсын теләсәк тә
    Аз булыр күк синең хөрмәткә.
    Аяз булсын мәңге күңел күгең –
    Без калабыз шушы теләктә.
    ***
    Һәр көн сине котлап кояш чыксын,
    Сине назлап җилләр иссеннәр.
    Яшәү матурлыгы, яме булып
    Көн артыннан көннәр үтсеннәр.
    ***
    Күңел күгең һәрчак аяз булсын,
    Читләп үтсен сагыш-борчулар.
    Ныклы сәламәтлек юлдаш булсын,
    Аннан кадерлерәк нәрсә бар.
    ***
    Туган көнең-юбилеең белән
    Чын күңелдән сине котлыйбыз.
    Сәламәтлек, шатлык-куанычлар,
    Күңел тынычлыгы телибез.

    Юлларыңа ак бәхетләр яусын,
    Шатлык балкып торсын йөзеңдә.
    Кайгы-хәсрәт баш очыннан узсын –
    Шул теләкләр бездән үзеңә.

55 яшьлек юбилейга котлаулар

    Тагын бер ел өстәлсә дә сиңа,
    Ул ел сине тагы да яшәртсен.
    Нурын сибеп көләч йөзләреңә
    Гел шат итеп кенә яшәтсен-
    Ташламасын сине беркайчан да
    Бәхет белән тулы елмаю.
    Урап үтсен сине кайгы-хәсрәт,
    Ә йөзеңдә булсын куану.
    * * *
    Туган көнең, туган көнең
    Күңелгә нур өстәсен.
    Синең һәрбер туар көнең
    Сипсен бәхет көлтәсен.
    Җәен җиләк чәчкәсе бул,
    Кышын кышлау гөле бул.
    Яшәр гомерең озын булсын,
    Безнең белән бергә бул!

    * * *

    Тормыш юлың балкып торсын,
    Нурлы булсын күңелең.
    Сәламәт бул, шатлык, бәхет белән
    Бер кайгысыз үтсен гомерең.
    * * *
    Рәхмәт синең шәфкать тулы йөрәгеңә,
    Рәхмәт ару-талу белмәс беләгеңә.
    Рәхмәт хәстәр белән караган күзләреңә,
    Юаныч һәм шатлык биргән сүзләреңә.
    * * *
    Теләкләрнең телим изгеләрен,
    Шатлыкларның иң-иң зурысын.
    Бәхетләрнең көтмәгәндә генә
    Килә торганнарын — Нурлысын.
    Тырыш сезнең кулларыгыз,
    Матур үткән юлларыгыз.
    Барча туган-якыннарга
    Һәрчак изге уйларыгыз.
    Сез булганга без дә бик бәхетле
    Сезнең белән якты көнебез.
    Безнең белән сез дә бәхетледер,
    Сезгә озын-озак гомер телибез.
    * * *
    Күңелең түрендә һичкайчан
    Өмет кояшы сүнмәсен.
    Бәхетле язмыш йолдызы
    Гомер күгеңнән китмәсен.
    Синең тормыш юлларыңда,
    Очрамасын киртәләр.
    Гел бәхетләр һәм шатлыклар
    Алып килсен иртәләр.
    * * *
    Май кояшы нурын сипкән кебек,
    Ташып-тулып килсен бәхетең.
    Сәламәтлек, уңыш юлдаш булсын,
    Чынга ашсын хыял, өметең.
    Котлы булсын, … , туган көнең,
    Кояш кебек балкый йөзләрең.
    Кайгы-хәсрәт күрми, шатлык белән
    Үтсен синең гомер көзләрең.

    * * *
    Күпме булса җирдә изге теләк
    Без телибез сиңа барсында,
    Ак чәчәкләр кебек бәхет яусын
    Туар көннең һәрбер таңында!
    * * *
    Сезнең тормыш юлы матур тарих,
    Күпләр өчен үрнәк булырлык!
    Рәхмәт, дибез, сезгә чын йөрәктән,
    Сезнең гомер—безнең горурлык!


Добавить комментарий

WordPress: 26.41MB | MySQL:118 | 1,652sec
Рейтинг@Mail.ru