Татарча Котлаулар Туйга Уз Сузлэрен Белэн
Татарча котлаулар

Татарча котлаулар туйга уз сузлэрен белэн


    Дусларың белән бүлеш:


    ***
    Һәм инде менә [кияү белән кәләшнең әти-әниләренең дә] иң бәхетле көннәре кебектер бүгенге көн. Шулай булгач сезне иң матур, иң бәхетле көннәрегезнең башы белән чын күңелдән котлыйм һәм бары тик бәхетле булуыгызны гына телим.

    ***
    Бүген сезнең язылышкан,
    Никахлашкан көнегез,
    Тантаналы бу мизгелнең
    Кадерләрен белегез!

    Бүген дөнья гаҗәп нурлы,
    Елмаегыз, көлегез!
    Бөтен дөнья бәйрәм итә,
    Сезне котлый — күрегез!

    Бүген сөю диңгезендә
    Рәхәтләнеп йөзегез,
    Мәрхәмәтле, бәрәкәтле,
    Бүгенгедәй мәхәббәтле
    Булсын һәрбер көнегез!

    ***
    Тормыш дилбегәсен ныклы тотып,
    Гомер буе бергә атлагыз.
    Йөрәкләрдә булган сөю хисен,
    Сүндермичә, мәңге саклагыз.

    Бергә типсен һәрчак йөрәгегез,
    Зур тормышка илтсен юл башы.
    Кояш кебек түп-түгәрәк булсын,
    Бәхетегез — гомер юлдашы.

    ***
    Ай-кояштай елмая
    Бүген сезнең йөзегез
    Аерым идегез сез кичә
    Буген инде икегез.
    Ике йөрәк, бер үк җырны
    Җырлый башлый бүгеннән
    Кайгы-хәсрәт дигәннәре
    Ерак йөрсеннәр сездән.
    Дуслык, туганлык хисләре
    Алар сездән сүнмәсен.
    Үстерегез уллар-кызлар
    Гомер әрәм утмәсен.
    Тормыш булгач — барда була.
    Булыр авыр минутлар
    Бергә-бергә киңәш итсәң,
    Алар сездән тиз узар.


Кунелле табын
Рейтинг@Mail.ru Яндекс.Метрика