Татарча Котлаулар Юбилейга
Татарча котлаулар

Татарча котлаулар юбилейга


    Дусларың белән бүлеш:


    ("Күңелле табын" китабыннан)
    Утыз.

    Утыз яшкә житү бик үк
    Күңелле түгел инде.
    Ни дисәң дә утыз — утыз,
    Егерме түгел инде.

    Тик шулай да хәлең бигүк
    Куркырлык түгел әле.
    Ни дисәң дә утыз — утыз,
    Ул кырык түгел әле.

    Үткән гомерне буйлыйсың…
    Уйлыйсың… Шунсыз булмый.
    Бер янасың, бер көясең —
    Утыз яшь утсыз булмый.

    Очкын гына сал күңелгә,
    Ялкын кабынып тора.
    Бик борчылма, утызда да
    Кызык табылып тора.

    Борчылуны белми яшә,
    Авырлык күрми яшә.
    Кайгылар да жиңелә ул,
    Башларың иелмәсә.

    Жаныңда — сөю жылысы,
    Табында ашың булсын…
    Калганнарын санап тормыйм,
    Жилкәңдә башың булсын.

    Тагы ниләр телим, дустым?
    Учакта утың булсын.
    Шушы тост белән кырыкка
    Житәрлек хутың булсын


Кунелле табын
Рейтинг@Mail.ru Яндекс.Метрика