Тостлар
Татарча котлаулар

Тостлар


    Дусларың белән бүлеш:


    "Күңелле табын" китабыннан

    * * *

    «Көтәрмен!»— дип калган кызыннан
    Бер солдатка шундый хат килгән:
    «Сөю билгесе дип бирелгән
    Фотомны син кайтар»,— диелгән.

    Солдат жанын ачы зар өткән —
    Димәк, яры ятны яр иткән.
    Тик югалып егет калмаган,
    Муенына элмәк салмаган.

    Ун гүзәлдән алган ун фото,
    Унысын да салган бер хатка:
    «Кичер, иркәм, озын юл үттем,
    Төсеңне дә хәтта оныттым.

    Иң-иң якын һәрбер гүзәлнең
    Рәсемнәрен сиңа жибәрдем.
    Үзеңнекен сайлап ал,— дигән —
    Ә калганын миңа сал» — дигән.

    Чын ир-атлар — ир-ат һәр чакта,
    Бер күтәрик әле шул хакка.
    * * *

    Бай бер буйдак бөтен мөлкәтен,
    Бу дөньядан китәр алдыннан,
    Үзен кире каккан өч хатынга
    Мирас итеп биреп калдырган:

    “Сезнең белән булсам, мәңге дә
    Күрмәс идем мондый тормышны.
    Балда-майда үткән гом/е/рем өчен
    Мин бит сезгә чиксез бурычлы».

    Бу тостны без, дуслар, күтәрик
    безгә чиксез бәхет бирүче
    хатыннарның кадерен белүче
    менә шундый асыл ир өчен!

    * * *

    «Чын ир-егет кем ул?»— дигәндә,
    Болай жавап бирә гүзәлләр:
    «Ул түшәктән тора бары тик
    Алыр өчен бераз ял итеп!..»

    Чын ир-атлар — ир-ат һәр чакта,
    Бер күтәрик әле шул хакка.

    * * *

    Үз хатасын аңлап, юл куючы —
    Акыллы ир була.
    Үз хаклыгын аңлап юл куючы —
    Хатынлы ир була.

    Булам дисәң иң-иң әйбәт
    Хатын иясе,
    Булу кирәк иң-иң сабыр
    Акыл иясе.

    Чын ир-атлар — ир-ат һәр чакта,
    Бер күтәрик әле шул хакка.


Кунелле табын
Рейтинг@Mail.ru Яндекс.Метрика