Туйга Телэклэр Татарча
Татарча котлаулар

Туйга телэклэр татарча


    Дусларың белән бүлеш:


    ***
    Тормыш дилбегәсен ныклы тотып,
    Гомер буе бергә атлагыз.
    Йөрәкләрдә булган сөю хисен,
    Сүндермичә, мәңге саклагыз.

    Бергә типсен һәрчак йөрәгегез,
    Зур тормышка илтсен юл башы.
    Кояш кебек түп-түгәрәк булсын,
    Бәхетегез — гомер юлдашы.

    ***
    Очраштырган сезне язмыш,
    Гашыйк парлар булгансыз.
    Чәчне чәчкә бәйләшергә
    Вәгъдәләр коргансыз.

    Тормышка аяк басасыз,
    Пар килгәнсез икегез.
    Сөешеп кенә яшәгез,
    Тигез гомер итегез!

    Бездән сезгә изге теләк:
    Бергә типсен сезнең йөрәк.
    Турә булсын түрегездә —
    Мәхәббәт бер-берегезгә.

    ***

    Пар килгәнсез, сезгә карап сокланабыз,
    Һәммәбез дә сезнең өчен шатланабыз.
    Яшәгез сез бер-берегезне яратып,
    Бу җиһанга сөю нуры таратып!

    ***
    Бигрәкләр пар килгәнсез,
    Сокланмый мөмкин түгел!
    Мәхәббәтегез нурыннан
    Яктыра безнең күңел!

    Бүгеннән башлап — гаилә,
    Пар канат, пар сандугач!
    Бишек җырлары сайрарсыз
    Балаларыгыз тугач…

    Ходай сезне тиң яраткан,
    Бер-берегезгә караткан,
    Сезгә бүген дөнья да тар,
    Сез — җиһанда иң гүзәл пар!

    ***
    Тормыш дилбегәсен ныклы тотып,
    Гомер буе бергә барыгыз.
    Бетмәс куанычлар килсен сезгә,
    Күтәренке булсын күңелегез.
    Кайгы-хәсрәт күрми, бәхет белән
    Үтсен иде килер көнегез.


Кунелле табын
Рейтинг@Mail.ru Яндекс.Метрика