Цитаталар татарча
Юмор

Цитаталар татарча

* * *
“Бүген”нең икенче исеме – “иртәгә”

* * *
Иртән смс килде:”Абонент кабат элемтәдә. Сез аңа шалтырата аласыз!” Шалтыратмыйм. Соң инде. Айныдым.

* * *
Кеше башын күзәт, үзеңнекен – төзәт.

* * *
Ата-аналар теләген исәпкә алып, ул бик талантлы булып туды

* * *
Утырып калган кызыңа өйләнсә, киявең азат итүче сыман тоелыр.

* * *
Һәр яхшы фикергә бер ахмак табыла һәм аны сафсатага әйләндерә.

* * *
Бу әсәрдә артык нәрсәләр күп.

* * *
Әгәр эшегез начар бара икән, аның белән бергә атламагыз

* * *
Онытырга теләгән нәрсә гел искә төшә.

* * *
Әйтегез әле, сезнең нәселдә йөкле ханымнар булганмы?

* * *
Киләчәккә булган зур өметләре астында басылып калган талант иясе.

* * *
Офыгы таррак булган саен кеше үзенең көчле, белемле, акыллы икәненә ныграк ышана.

* * *
Иң матур көй – йөрәк тибешең.

* * *
Акчаны акыл белән тоту өчен акчаң һәм акылың булу гына җитми.

* * *
Таксистлар мине гел ничек яшәргә өйрәтә. Мин барсын да тыңлыйм һәм киресен эшлим. Таксист булмас өчен.

* * *
Ашыккан кыз кияүгә барса да тиз кайтыр.

* * *
Барлыгың өчен яратучылар булганда, нәкъ шул сәбәпле күрәлмәүчеләр дә булачак.

Марат Кәбировның Кызыклы афоризмнар китабыннан

Добавить комментарий

Рейтинг@Mail.ru Яндекс.Метрика