Канатлы сүзләр, кызыклы гыйбарәләр

Кыз йөзендәге косметика белән бергә егет күңелендәге сөю хисләре дә юылып төште.

* * *
Йөртә белмәсәң, хатын-кызны кабындырма.

* * *
Әллә нинди дөнья: ахмаклар акыллы булып кылана, акыллылар юләргә салыша.

* * *
Кыйбласыннан аны беркем дә тайпылдыра алмады. Дүрт ягы кыйбла иде.

killer_baner_1200x500_z
killer_baner_1200x500_2
kaytu_1200x500
kicheru_yuk_1200x500
Yana_kitap_1200x500
previous arrow
next arrow

* * *
Белдерүдән. Мәскәү үзәгендәге фатирымны Татарстанның теләсә-кайсы шәһәренә алыштырам.

* * *
Егет кешегә җитмеш төрле гүзәл дә аз.

* * *
Акыл чыганагы — тәҗрибә, тәҗрибә чыганагы — ахмаклык.

* * *
Өйләнү өчен ике кеше зарур: ялгыз кыз һәм хәстәрлекле ана.

* * *
Акча кызганыч түгел, акчаның булмавы кызганыч.

* * *
Гадәттә, без үзебез кебек уйлаган кешеләрне генә акыллыга исәплибез.

* * *
Хатын-кызны ныграк яраткан саен үеңә акча азрак кала.

* * *
Хатыныгыз: «Мин башкача сине күрергә теләмим!» — дисә, төнге урамга чыгып китәргә ашыкмагыз, бәлки ул утны сүндерүгә ишарәлидер.

* * *
Ач песи — иң яхшы будильник

* * *
Үз бәхетеңнең кыйпылчыкларыннан да ныграк кадала торган нәрсә юк.

* * *
Ай — тулгач кителә, бай туйгач – кикерә.

* * *
Ирләр комак кебек: урамда күрсәң – сокланып туймаслык, өеңә ияләшсә – агу бирәсе килә.

* * *
Җомга көн кич белән бер яшник аракы ике иргә һөҗүм итә һәм аларның хезмәт хакын алып кала.

Марат Кәбировның Кызыклы афоризмнар китабыннан

Яңалыкларга язылу

Яңалыкларга язылыгыз һәм Марат Кәбиров турындагы иң соңгы мәгълумәтләр, өр-яңа әсәрләр сезнең почтагызга үзе килер. Бу - түләүсез!
@Mail.ru .