Катеринага һәйкәл

Илдә кризис, дисең син…
Һич икеләнми әйтәм:
Бар бәладән коткарачак
Катеринага һәйкәл.

Шул һәйкәлне кую белән
Бар кризис бетәчәк.
Татар да күтәреләчәк,
Ил дә алга китәчәк.

Акча юклыктан ябылган
Мәктәпләр ачылачак.
Мәктәп өчен дәреслекләр
Татарча басылачак.

Бу һәйкәл бөтен дөньяга
Якты нур өләшәчәк.
Бөтен татар шушы һәйкәл
Янында берләшәчәк.
Монда хәтта урыслар да
Татарча сөйләшәчәк.

killer_baner_1200x500_z
killer_baner_1200x500_2
kaytu_1200x500
kicheru_yuk_1200x500
Yana_kitap_1200x500
previous arrow
next arrow

Безгә кадәрге буынның
Башы эшләп бетмәгән:
Бәхет өчен безгә шушы
Һәйкәл генә җитмәгән.

Әби патша бит ул! Аңа
Бурычлы һәрбер йөрәк.
Кеме бар тагын татарның
Шуннан да кадерлерәк?!.

Әби патшаның исемен
Җанга уярга кирәк.
Бер һәйкәл дә җитмәс әле,
Унны куярга кирәк.

Яңалыкларга язылу

Яңалыкларга язылыгыз һәм Марат Кәбиров турындагы иң соңгы мәгълумәтләр, өр-яңа әсәрләр сезнең почтагызга үзе килер. Бу - түләүсез!
@Mail.ru .