Көмешкәгә дан җыры

Казанда рәсми рәвештә көмешкә музее ачылды.
(матбугат хәбәрләреннән)

Тик көмешкә булсын илдә
Булыр уен-көлеш тә!
Көмешкәгә музей ачтык,
Мең яшәсен көмешкә!

Булсын төрле сортлары да,
Булсын салып биреш тә.
Көмешкә һәм треугольник
Татарга бик килешә.

Керсен хаты-кызлары да,
Керсен яше карты да…
Көмешкә чиртеп чыксыннар
Толерантлык хакына.

killer_baner_1200x500_2
killer_baner_1200x500_z
kaytu_1200x500
kicheru_yuk_1200x500
Yana_kitap_1200x500
previous arrow
next arrow

Үзебезнең көмешкә ич,
Үзебезнең самагун.
Бөтен татар күреп калсын
Самагунның савабын.

Көмешкә ул шундый нәрсә
җырлап-җырлап эчтеңме,
Митрополит сүзләре дә
Сәйдәш моңы шикелле.

Көмешкә ул — нәкъ безнең аш,
Көмешкә ул горурлык.
Бернәрсе юк татарның
Көмешкәгә торырлык..

Күз алдына килми хәтта
Көмешкәсез татарин.
Татарстан бу эштә дә
Үрнәк булган — афарин.
2015

Яңалыкларга язылу

Яңалыкларга язылыгыз һәм Марат Кәбиров турындагы иң соңгы мәгълумәтләр, өр-яңа әсәрләр сезнең почтагызга үзе килер. Бу - түләүсез!
Рейтинг@Mail.ru Яндекс.Метрика