Марат Кәбировтан кызыклы әйтемнәр

* * *
Кешене үзгәртү эшен маймылдан башларга кирәк иде.

* * *
Хатын-кызлар яхшы бии — аларга берни комачауламый.

* * *
Хәтер тыкырыкларында шатлыклар сакланмый.

* * *
Яткан килеш абынып булмый.

previous arrow
next arrow
Slider

* * *
Картлыктан куркырга ярамый. Ул тиз уза.

* * *
Кешеләр каләм кебек. Һәркайсы үз тормышын үзе ясый.

* * *
Никах — иң шәп окулист.

* * *
Иң бәхетсез кешеләр диңгез буенда яши, аларның ялга барыр урыны юк.

* * *
Җиде кат уйла, бер кат телеңне тый.

* * *
Миңа нишләргә кирәген әйтмәгез, һәм мин сезгә кайда барырга икәнен әйтмәм.

* * *
Яхшы кеше күрәсең килсә, яхшылык эшлә дә көзгегә кара.

* * *
Дөреслек сөйсәң, ялгызлыкны да сөй.

* * *
Балалар — тормыш чәчәкләре. Гөлләмәләр җый да әниеңә бир.

* * *
Сөйләшүдән туктап торган арада кеше уйлыйм дип уйлый.

* * *
Россия картайды, ул пенсия акчасына яшәргә җыена.

* * *
Эшләмисең икән, яшәргә акча юк. Эшлисең икән – вакыт.

* * *

Марат Кәбировның Кызыклы афоризмнар китабыннан

Яңалыкларга язылу

Яңалыкларга язылыгыз һәм Марат Кәбиров турындагы иң соңгы мәгълумәтләр, өр-яңа әсәрләр сезнең почтагызга үзе килер. Бу - түләүсез!
@Mail.ru .