Намуслы судья великта йөри
Юмор

Намуслы судья великта йөри

Диңгездән кайткан, ваннада баткан.

* * *
Намус уянды. Һәм барсын да күреп һушын җуйды.

* * *
Караңгы тарих белән якты киләчәк төзеп булмый.

* * *
Нидер җитми икән, димәк, яшисең.

* * *
Җирнең тарту көче карт кешенең аяк астына җыела.

* * *
Җырлый белмәсәң – эчмә.

* * *
Ми – сыекча, баш – сөяк. Шулар белән ничек уйлап була?

* * *
Хатын-кызны һәм компьютерны берничек тә ашыктыру мөмкин түгел.

* * *
Теләсә-нинди аңлашылмаучылык килеп туса – иңглиз телен өйрән.

* * *
Мәхәббәтне сатып та алырга мөмкин, нәфрәт кенә – ихлас.

* * *
Бәлагә тарган дустыңа ярдәм ит – тагын бәла килсә, исенә төшерер.

* * *
Үз ялгышларын белмәгән кеше башкаларның хатасы өчен дә җавап бирә.

* * *
Ахмакларга каршы көрәшүне дә геноцид дип бәяләргә мөмкин.

* * *
Россия зур, ә машина куярга урын юк

* * *
Берни дә эшләмәс өчен без барсын да эшләргә риза

* * *
Безнең авылда бөтен халыкны туңкайтып бастыра алучы бөек көч бар, ул – бәрәңге.

* * *
Гел намуслы булган судья велосипедта йөри.

Марат Кәбировның Кызыклы афоризмнар китабыннан

Добавить комментарий

Рейтинг@Mail.ru Яндекс.Метрика