Подъезд ишегендәге белдерүләр
Юмор

Подъезд ишегендәге белдерүләр

* * *
Хөрмәтле агитаторлар! Зинһар безнең подъезда чисталыкны саклагыз, үзегезнең агитация материалларын идәнгә ташламагыз.

* * *
Кемнең баласы резин тубын зәңгәр төстәге велосипедка алыштырды? Зинһар, шалтыратыгыз. Тел.:…

* * *
Подъездагы песиләрне ашатмагыз. Ашатсагыз – хаҗәтханә дә төзеп куегыз.

* * *
39-нче фатирдагы күршеләргә шыгырдамый торган диван алу өчен акча җыябыз. Акча күчерү өчен реквизитлар: …

* * *
Төннәрен подъезда кычкырып сөйләшү, акыру, җырлау, елау, сүгенү тыела. Штарф – коелган тешләр.

* * *
68 фатирда көмешкә сатылмый, телефон сатып алмыйбыз, Гуляның кайда яшәгәнен белмибез.

* * *
56 фатир хуҗасы кирпечләр эчендә томаланып калган бугай, тишеп чыгарга теләп көне-төне дрель дырылдата. Зинһар шуны
коткарыгыз әле.

* * *
Крым – безнеке, йорт – безнеке, лифт – безнеке. Зинһар чүпләмәгез, Монда Обама йөрми.

* * *
139-нчы фатирдан Ивановка әҗәткә акча бирмәгез! Барсын да эчеп бетерә. Бирсәгез – бурычны кире кайтармаячакбыз!

* * *
Сәләм, Сәлим! Син кайда югалдың? Мин сине түземсезлек белән көтәм. Салым инспекциясе.

* * *
Подъезда чүбеңне калдырганнан соң, мыркылдарга онытма!

* * *
Подъездга ташланган чүп буенча бозым ясыйм!

* * *
Иртәгә сәгать унда җыелыш. Көн тәртибендә – төрлесе һәм башкалар.

* * *
Бер яшьтән алып 70 яшькә кадәрге балалар игътибарына! Зинһар өчен онытмагыз, лифт – горшок түгел, анда печ итәргә ярамый.

* * *
Кайбер күршеләр! Сез хәтта обойны да перфоратор белән ябештерәсез икән, зинһар өчен аны төнлә ябештермәгез.

* * *
Күршеләр! Көн саен балык пешермәгез әле, безнең дә ашыйсы килә.

* * *
Хөрмәтле бомжлар! Күрше подъезда яшәү шартлары күпкә яхшырак, анда узган җәй ремонт ясадылар.

Добавить комментарий

Рейтинг@Mail.ru Яндекс.Метрика