Хатын-кызлар — безнең йомшаклык

* * *
Хатын-кызлар — безнең йомшаклык. Балалар — безнең шатлык. Бер тапкыр йомшаклык күрсәтсәң — гомер буе шатланасың.

* * *
Эшсезлектән бушаган арада ни белән шөгыльләнәсең?

* * *
Әгәр берәрсе: «Акча барсын да хәл итә» — ди икән, димәк, аның акчасы юк һәм беркайчан да булмаган.

* * *
Россиянең бөеклеге турында көне-төне сөйләгән кешеләр булмаса, бу ил тагы да бөегрәк булыр иде.

killer_baner_1200x500_z
killer_baner_1200x500_2
kaytu_1200x500
kicheru_yuk_1200x500
Yana_kitap_1200x500
previous arrow
next arrow

* * *
Хатын-кызлар яраткан ирне бөтен хатын да ярата

* * *
Әгәр өлкән кеше үзен бала кебек тота икән, аны сакаллы сабый диләр. Әгәр бала кеше үзен өлкәннәрчә тота икән — балигъ булмаган җинаятьче.

* * *
Мәченең койрыгы никадәр кабарган булса, шул кадәр аңа басасы килә.

* * *
Изгелек эзләү күп очракта йодрык йомарлау белән бетә.

* * *
Мин еламыйм, бары тик язның соңгы көне күзгә керде.

* * *
Кутузов Мәскәүне яндырган — ә герой. Мин котлетны гына яндырдым — шундук, беткәнбаш.

* * *
Акыллы хатын үзе утырган җилкәне кисмәс.

* * *
Фикерләрен җыеп алырга теләгән иде, берсе дә җыелышка килмәде.

* * *
Чебурашканы җилле-давыллы кичтә ерткычларча кыйнап ташлаучыларның кемлеге ачыкланды. Үз колаклары булып чыккан.

* * *
Ул бик ялгыз – исерек килеш шалтыратырлык та кешесе юк

* * *
Акчаңны икеләтә күп итеп күрәсең киләме? Көзге алдына куй.

* * *
Ул нәрсә уйлый шуны әйтеп өйрәнгән, шуңа дәшми.

* * *
Бары тик өлкән буын кешеләре генә «инстаграм» дигән сүздән «сто грамм» дигән мәгънә ишетә ала.

Марат Кәбировның Кызыклы афоризмнар китабыннан

Яңалыкларга язылу

Яңалыкларга язылыгыз һәм Марат Кәбиров турындагы иң соңгы мәгълумәтләр, өр-яңа әсәрләр сезнең почтагызга үзе килер. Бу - түләүсез!
@Mail.ru .