Яшьлек ялгышында өйрәнмиләр
Юмор

Яшьлек ялгышында өйрәнмиләр

* * *
Дуслар юлда аунап ятмый, диләр. Минекеләр белән андый хәл дә булгалый.

* * *
Парашют белән сикергәннән соң мин адреналинның каян бүленеп чыгуын аңладым…

* * *
“Тынычлан инде, матурым, берни дә булмады бит. Ә Миләүшә күрше ул синең түшәгеңне генә җылытып куярга теләгән иде.”

* * *
Яшьлек ялгышында өйрәнмиләр, яшьлек ялгышына өйләнәләр.

* * *
Кеше гомеренең 30 проценты йоклап, 70 проценты йокы туйдыру турында хыялланып уза.

* * *
Үз яртыңны табып өлгерү белән, сине шиккә салып бүтән яртылар яныңда бөтерелә башлый.

* * *
Үзләрен бер-берсе ярдәмендә ярата торган ике кешене гашыйклар дип атыйлар.

* * *
Гаилә – көрәш. башта – бердәмлек өчен, аннан – тигез хокуклылык өчен, аннан – бәйсезлек өчен.

* * *
Хакимияттә эшләүчеләргә караган саен, халык өчен сөенәм. Киң күңелле халык.

* * *
Әниең алып биргән туңдырма аягыңа түгел, ә күкрәгеңә тама икән – димәк, син зур кыз.

* * *
Сатып алучының күзләре сатучы кулында.

* * *
Медицинаның чираттагы уңышы: күп авырулардан үлмиләр инде, интегәләр генә.

* * *
Дөреслек эзләгәндә иң еш кабатлана торган сорау: нәрсә эзли идем әле мин?

* * *
Йөргән кызым әйтүенчә, безнең мәхәббәтне бары тик могҗиза яки яңа тун гына саклап калырга мөмкин.

* * *
Күз төбендәге “фонарь” шәхескә күләгә төшерә

* * *
Элек кеше төрмәдә утырган һәм аның стеналарын төрле язулар белән тутырган. Хәзер кеше Фейсбукта утыра…

* * *

Марат Кәбировның Кызыклы афоризмнар китабыннан

Добавить комментарий

Рейтинг@Mail.ru Яндекс.Метрика