Бөтендөнья татар

(Атнабай турында уйлап)

Бөтендөнья татар җыенында,
бөтендөнья татар мөнбәрен
кочып, кемдер илгә ишеттерә
бөтендөнья татар сүзләрен.

Бөтендөнья татар Казанында —
Бөтендөнья татар урамы.
Шул урамда урыс булып йөри
Бөтендөнья татар дурагы.

Бөтендөнья татар Казаныннан
ары китсәң — татар Чаллысы
Бөтендөнья татар Чаллысында
Беткән инде татар кайгысы.

killer_baner_1200x500_2
killer_baner_1200x500_z
kaytu_1200x500
kicheru_yuk_1200x500
Yana_kitap_1200x500
previous arrow
next arrow

Бөтендөнья татар районында
Бөтендөнья татар авылы.
Бөтендөнья татар авылында
Ништяк, блин, сулыш алуы.

Бөтендөнья татар үрдәкләре
Тезелешеп суга төшәләр.
Бөтендөнья татар елгасының
Бай тарихлы суын эчәләр.

Бөтендөнья татар елгасында
Бөтендөнья татар балыгы.
Бөтендөнья татар балыгына
Берни түгел елга тарлыгы,
Берни түгел суның сайлыгы.

 

Яңалыкларга язылу

Яңалыкларга язылыгыз һәм Марат Кәбиров турындагы иң соңгы мәгълумәтләр, өр-яңа әсәрләр сезнең почтагызга үзе килер. Бу - түләүсез!
Рейтинг@Mail.ru Яндекс.Метрика