Дүртенче үлчәм

Марат Кәбировны күпләр аерылып булмыйча укыла торган кызыклы һәм үзенчәлекле романнар, повестьлар авторы буларак үз итә. Хәтта укып бетергәннән соң да озак вакытлар буена үзенә бәйләп тота торган андый әсәрләре иң таләпчән укучының да мәхәббәтен яулый, Марат Кәбировны бүгенге чорның иң уңышлы һәм кабатланмас язучысы дип бәяләргә мөмкинлек бирә.

Шул ук вакытта тәнкыйтьчеләрнең бер өлеше авторны хикәя жанрында күпкә көчлерәк һәм камилрәк дип бәяли: «Язучы көндәлек көнкүреш җирлегендә миф, фантастика һәм реаль, иҗтимагый-тарихи чынбарлыкны янәшә чагылдыручы динамик сәнгати система төзи; биредә төсләр, әйберләр, күренешләр, предметлар даими рәвештә кискен үзгәреп тора. Мондый әдәбият хәзерге укучыны аеруча кызыксындыра…» — ди алар.
Әлеге җыентыкка М. Кәбировның төрле елларда иҗат ителгән хикәяләре тупланды.

Алыгыз, укыгыз, фикерләрегезне язып калдырыгыз!