Татар электрон китап кибете

Татарча китаплар кибетенә рәхим итегез! Электрон китаплар белән кызыксынучылар, аларны сатып алып укырга яратучылар көннән көнгә арта бара. Бу табигый дә. Чөнки мондый китапларның уңайлылыгы күз алдында: электрон кәшилүк, яки банк картасы, яки телефон ярдәмендә мизгел эчендә акча түләп, телефоныңа, яки китап уку җайланмасына тиз арада күчереп аласың да рәхәтләнеп укыйсың.

Хәзерге китап уку җайланмаларының күбесендә шрифтларны да, битләр бизәлешен дә үзең теләгәнчә итеп үзгәртеп була. Өеңнән беркая да чыкмаган килеш мизгел эчендә син өр-яңа китапка ия буласың. Һәм бу арзанга да төшә: кәгазь китаплар бүген уртача 450-999 сум торса, электрон китап уртача 200-300 тирәсе генә чыга. Тиз дә, уңайлы да, арзан да!

Бу кибеттә, нигездә, язучы Марат Кәбиров китаплары тәкъдим ителә. Монда мәхәббәт турында әсәрләр дә, фантастика, мистика, фэнтези, хоррор, триллер жанрларына караган китаплар да, шигырьләр, поэмалар, юмористик хикәяләр дә — барсы да бар. Автор сезгә берүзе бер әдәбият тәкъдим итә, дип әйтергә дә мөмкин. Китаплар татарча, иң уңайлы электрон форматларда алдынгы заман технологияләре буенча эшләнгән. Теләсә-кайсы китап уку җайланмасында ачыла. Сатып алу да, ачып уку да тиз һәм уңайлы.
Бу электрон китап кибете — бүген заманча форматларда китаплар эшләүче бердәнбер нәшрият-кибет.

Алыгыз, укыгыз, фикерләрегезне калдырыгыз!