Шамил. Комдив мәхәббәте

Марат Кәбировның Шамил Усманов тормышына багышланган Шамил сериясыннан беренче повесть. Ул данлыклы комдивның мәхәббәт юлын сурәтли. Иҗтимагый эшчәнлеккә һәм сөйгән ярга булган мәхәббәт — икесе ике нәрсә. Һәм аларның бәрелешүе көтелмәгән нәтиҗәләргә китерергә мөмкин.

Шамил Усманов — искиткеч язмышлы шәхес. Һәм аның мәхәббәт юлы да тигез генә бармый, төрле сикәлтәләр, каршылыклар аша үтеп хыянәт белән тәмамлана… Заманында иң кайнар вакыйгаларның уртасында кайнаган данлыклы комдив, иленең дә, гаиләсенең дә мәхәббәтен югалтып, 14 яшьлек кызы белән Мәскәүдән Казанга кайтып төшә. Ул әле һаман гаделлек идеялары белән яши, тормышны яхшырту турында хыяллана.

Ләкин Казан инде бүтән. Монда барсы да уч төбендәге кебек — кемнең кем икәне әллә кайдан күренеп тора. Ил дә бүтән. Аңа хәзер Шамил кебек шәхесләр түгел, ә дер калтырап торган, нәрсә кушсаң шуны эшли торган коллар кирәк. Казанга кайтуы — һәлакәткә беренче адым икәнен Шамил әле аңламый.