Күңелле табын
Барыбызга да һәртөрле бәйрәм табыннарында булырга, якыннарыбызны котлап сүз әйтергә туры килә. Якын кешесе турында ике сүзне дә ялгый алмыйча җебеп торучылар да җитәрлек. Бу китап әнә шундый очракларда ярдәмгә килә дә инде, якын кешегезне матур итеп котлау мөмкинлеге бирә.
Монда ягымлы юмор һәм нечкә лирика белән сугарылган татарча котлаулар, кызыклы тостлар, бүләк биргәндә әйтелә торган теләкләр, табында уйнала торган уеннар һ.б., һ.б.
Бу котлаулар китабы сүз осталарына да, тыйнак кына гомер итүче гади кешегә дә бик файдалы булыр. Бәйрәмгә җыелган дус-ахирәтләрегезнең игътибар үзәгендә булырга телисез икән — рәхим итегез!
Ирина –
Күңелле табын китабы бик ошады. Шундый шаян тостлар, матур шигырьләр. Аларны укып кына чыксаң да бәйрәмдәге кебек буласың.
Айсылу Габдуллина –
Хөрмәтле Марат әфәнде!!!! Сезгә күптәннән зур рәхмәт әйтәсем килә!!! “Күңелле табын” китабыгыз өчен. Бу китапның башында, автордан дип, Сез шушындый сүзләр язгансыз: “….ходай биргән сәләтегезне дә эшкә җиксәгез, табын күркенә, сәхнә йолдызына, иң назлы ярга әйләнәчәксез. Үз даирәгездә йөзек кашы булачаксыз.” Алтын сүзләр алтын китапта!!!! Табын күрке генә ме соң, иң кадерле кунакмын хәзер мәҗлесләрдә…..Минем ярдәмчем, әлбәттә, беренче бүлек шигырьләре. 50-55 яшьлек ирләргә сихерле тавышларым белән укып җибәрәм…”Үзең яздыңмы?” дип сорыйлар. Марат әфәнде, зинһар өчен үпкәләштән булмасын… “УЗЕМ” дип җаваплыйм…. Элегрәк, шаян сүзле дип минем ирне чакыралар иде беренче итеп, ә хәзер…минсез – мәҗлес ямьсез!!!! Тамадалар кырын карасалар да, “иң яхшы тост әйтүчегә” дигән тасмаларын биргән булалар, бер букча булды инде….НО…хатын-кызлар өчен шаян котлауларызыз нигә юк??? Алда 45, 50, 55 яшьлек хатыннарның юбилей мәҗлесләре көтә…Ярдәм кирәәәәк!!!\
Тәнзилә –
Сценарийларын үзгәртүсез куллана алмадым. Бераз под себя подгонять иткәч, яхшы тамаша чыкты. Әзер килеш кулланырлык булса яхшырак буласы иде
Рифат –
Барсы да яхшы. Бик ошады. Рәхмәт.
Ләйсән –
Бик кызык булды әле бу. Жалкы хәзер бөтенесен дә диярлек табыннарда сөйләп бетердем. Яңа китап чыгарырга уйламыйсызмы? Чыгарсагыз, уеннары да күбрәк булсын иде. Рәхмәт!
Фәридә –
Рәхмәт сезгә! Бик кирәкле китап.
Лилия –
Рәхмәт! Бик әйбәт китап булды. Хәзер бәйрәмнән бәйрәмгә генә йөрисе.