Китап турында табышмаклар
(Китап, уку-язу турындагы табышмаклар Н. Исәнбәт тупланмасыннан алынды)
Китап турында татарча табышмаклар
* * *
Агач түгел − яфраклы,
Тун түгел − тегелгән.
(Китап)
* * *
Кабат-кабат катлама,
Акылың булса ташлама.
(Китап)
* * *
Теле юк − үзе аңлата.
(Китап)
* * *
Анда бар да бар.
(Китап)
* * *
Өнсез, җансыз − иң якын дус.
(Китап)
* * *
Кечкенә генә сандыкка бөтен дөнья сыйган.
(Китап)
* * *
Ак җир, кара тап,
Нәрсә булыр, уйлап тап.
(Китап)
* * *
Ак ялан, кара сукмак, −
Йөри белгән эз табар.
(Китап)
* * *
Ача да яба, ача да яба,
Җавабын зирәк таба.
(Китап)
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Киштә башында төпле төргәк,
Аңа һәр өйдә хөрмәт,
Һәркемгә дә иң кирәк.
(Китап)
Уку, язу хакында табышмаклар
* * *
Кул белән чәчәсең, күз белән җыясың.
(Язу, уку)
* * *
Җирлеге ак, орлыгы кара,
Җимеше ни булыр? −
Тикшереп кара.
(Кәгазь, юзу, уку)
* * *
Кәкре-бөкре сызылган,
Хәрефләре сыгылган,
Асты бар, өсте бар,
Тырма кебек теше бар.
(Язу)
* * *
Аш ашамас,
Кара су эчәр,
Дөньяда кош кебек очар,
Күңелләргә нур чәчәр.
(Язу)
* * *
Җир өстендә күп кешеләр
Кар өстенә кара солы чәчәләр.
(Язу)
* * *
Бишәү чәчә, берәү жыя.
(Язу, уку)
* * *
Иген чәчте биш малай,
Урдылар ике агай.
(Язу, уку)
* * *
Кул белән чәчәсең,
Күз белән җыясың.
(Язу, уку)
* * *
Җире ак, орлыгы кара,
Кул белән чәчәләр,
Авыз белән җыялар.
(Кәгазь, язу, уку)
